பட்டாம்பூச்சிக் கதைகள்
தேயிலை மரங்கள்
செடிகளாய்
கவாத்து செய்யப்பட்ட
பச்சைப்பள்ளத்தாக்கு
கருங்கல்லின் மேல்
செம்மண் குழைத்து தேய்த்து
சுண்ணாம்பு பூசிய வீடு.
மூடுபனியின்
குளிர்ந்த கரங்களின் தழுவலில்
நடுங்கிக்கொண்டிருக்கும்
வயோதிகனின் கடைசி மூச்சென
கதவிடுக்கில் நுழைகிறது காற்று
காலாண்டு பகல்பொழுதை
கம்பளிக்குள் திணிக்கிறது குளிர்.
கருத்துகள்
கருத்துரையிடுக